Persónuvernd

Vefurinn setur engar vafrakökur og sækir ekkert frá öðrum til að fylgjast með þér. Það eina sem hann geymir í vafranum þínum er merki um að kynningin hafi verið spiluð, svo hún endurtaki sig ekki á meðan þú skoðar. Það hverfur þegar þú lokar flipanum.

Við teljum heimsóknir með Vercel Web Analytics: hvaða síður eru skoðaðar, hvaðan fólk kemur, frá hvaða landi og á hvers konar tæki og vafra. Það er gert án vafrakaka. Gestur þekkist í einn sólarhring af nafnlausum kóða sem skiptir um á hverjum degi, svo ekki er hægt að tengja heimsóknir við einstakling eða fylgja honum á milli daga eða vefja. Við sjáum aðeins samtölur.

Þegar þú talar við Veru geymum við það sem þú skrifar, svörin hennar, hvaða verkefni og vörur hún sýndi þér og tilviljanakennt númer sem heldur samtalinu saman og gildir aðeins í þeirri heimsókn. IP-talan þín er notuð stutta stund til að hindra misnotkun en er ekki geymd.

Skilaboðin eru send til Anthropic, sem býr til svörin, og Anthropic notar þau ekki til að þjálfa gervigreindarlíkön sín. Samtölin eru geymd hjá Sanity, aðeins starfsfólk Revera les þau og við notum þau til að bæta Veru. Þeim er eytt 12 mánuðum eftir síðustu skilaboð.

Skrifaðu ekki viðkvæmar upplýsingar í samtalið.

Ef þú sendir okkur fyrirspurn fáum við nafnið þitt, netfangið, vefsíðuna ef þú gefur hana upp og skilaboðin, í tölvupósti í gegnum Formspree. Við notum þau til að svara þér og geymum þau á meðan samskiptin standa yfir og, ef við vinnum saman, á meðan verkefnið stendur.

Vercel (Bandaríkjunum) hýsir vefinn og telur heimsóknir. Sanity (Noregi) geymir efni vefsins og samtölin við Veru. Anthropic (Bandaríkjunum) býr til svör Veru. Formspree (Bandaríkjunum) kemur fyrirspurnum til okkar.

Þegar gögn fara út fyrir EES byggir flutningurinn á stöðluðum verndarráðstöfunum, svo sem stöðluðum samningsákvæðum ESB. Við seljum ekki gögn og deilum þeim ekki í auglýsingaskyni.

Hlekkir á aðrar þjónustur, eins og LinkedIn, fara með þig á vefi sem hafa sína eigin persónuverndarstefnu.

Við vinnum með gögnin á grundvelli lögmætra hagsmuna okkar af því að skilja hvernig vefurinn er notaður, bæta Veru og svara þeim sem hafa samband. Fyrirspurn er líka skref í átt að samningi, að þinni beiðni.

Þú átt rétt á að vita hvaða upplýsingar við höfum um þig, að fá þær leiðréttar eða þeim eytt, að andmæla vinnslunni eða takmarka hana og að fá afrit af gögnunum. Sendu okkur línu á hello@revera.is.

Ef þér finnst ekki rétt farið með upplýsingarnar þínar geturðu kvartað til Persónuverndar á personuvernd.is.